O‘zbekistonning 3 viloyatida 100 ming dozadan ortiq vaksina qo‘llanildi
Jamiyat
−
05 may 2021 2911
Kecha, 4 may kuni O‘zbekiston hududlari bo‘ylab jami 52 083 doza COVID-19 ga qarshi vaksina qo‘llanildi. Bu haqda O‘zbekiston Sog‘liqni saqlash vazirligi Matbuot xizmati xabar bermoqda.
Ulardan:
- birinchi bosqich emlanganlar 45362 nafarni;
- ikkinchi bosqichda emlanganlar 6721 nafarni tashkil qildi.
Shu tariqa ayni kungacha mamlakatda 963 894 doza vaksinadan foydalanilib, ularning 21 006 dozasi ikkinchi bosqichda qo‘llanildi.
4 may kunidagi emlash ko‘rsatkichlari bo‘yicha yuqori o‘rinlarni:
- Andijon viloyati (9708 nafar);
- Toshkent shahri (8590 nafar);
- Namangan viloyati (5259 nafar);
- Surxondaryo viloyati (5021 nafar) band qildi.
E’tiborli jihati shuki, koronavirusga qarshi jami emlashlar soni:
- Farg‘ona viloyatida 127 911 doza;
- Andijon viloyatida 109 505 doza;
- Namangan viloyatida 103 569 dozani tashkil qilmoqda.
Emlash jarayonlari davom etadi.
Live
Barchasi
