O‘zbekistonliklar Navro‘z munosabati bilan necha kun dam oladi?
Jamiyat
−
19 mart 19808
O‘zbekistonliklar Navro‘z bayrami munosabati bilan 3 kun dam oladi. Bu haqda Adliya vazirligi xabar berdi.
Xususan, quyidagi kunlar dam olinadi:
- 21 mart (juma) – Navro‘z bayrami – barcha uchun dam olish kuni;
- 22 mart (shanba) – 5 kunlik ish haftasidagi xodimlar uchun dam olish kuni, 6 kunlik ish haftasida ishlaydigan xodimlar uchun ish kuni;
- 23 mart (yakshanba) – dam olish kuni.
Eslatib o‘tamiz, avvalroq O‘zbekistonda umumta’lim maktablari o‘quvchilari uchun bahorgi ta’til 21 martdan boshlanib, 7 kalendar kun davom etishi xabar qilingandi. Bunda 21 mart juma kuniga to‘g‘ri keladi. 20 mart, payshanba kuni maktablarda III chorakning so‘nggi kuni bo‘ladi. IV chorak darslari 28 mart, juma kunidan boshlanadi.
