O‘zbekistonlik ziyoratchilar terma jamoa haqqiga duo qildi

Sport

−

05 iyun visibility4248 timer3 daqiqa

Bugun, 5 iyun kuni Haj ziyoratini amalga oshirayotgan o‘zbekistonlik ziyoratchilar muftiy Nuriddin Xoliqnazarov boshchiligida futbol bo‘yicha milliy terma jamoa haqqiga duo qildi.

“Bu shunchaki o‘yin emas, bu yerda vatan sharafi, yurt obro‘si turibdi. Ular bizdan duo umidida turishibdi. Futbol jamoamizga Alloh taoloning o‘zi madadkor bo‘lsin. Ilohim, yurtimizning sha’nini butun dunyoga taratsinlar. Alloh ularga kuch-quvvat bersin. Har bir qadamlarini Alloh o‘tkir qilsin. Butun dunyoga bizni tanitishlikda Alloh madadkor bo‘lsin. Ularni yomonliklardan, kasalliklardan, yomon ko‘zlardan Allohning o‘zi saqlab, o‘zi himoya qilib tursin. Allohim mana shu hojilarning duolari hurmatidan ularga g‘alaba ato qilsin”, deya duo qilgan muftiy.

Ma’lumot uchun, BAA – O‘zbekiston o‘rtasidagi bahs bugun, 5 iyun kuni Toshkent vaqti bilan soat 21:00 da start oladi. Ushbu uchrashuvdagi durang natija ham O‘zbekiston MTJni tarixda ilk bor mundialga olib chiqadi.

Eslatib o‘tamiz, avvalroq O‘zbekiston milliy terma jamoasining Birlashgan Arab Amirliklariga qarshi asosiy tarkibi e’lon qilingandi.

Eslatib o‘tamiz, avvalroq O‘zbekiston milliy terma jamoasining Birlashgan Arab Amirliklariga qarshi qarshi asosiy tarkibi e’lon qilingandi. https://qalampir.uz/news/uzbekiston-mtzhning-baaga-k-arshi-asosiy-tarkibi-e-lon-k-ilindi-119942