O‘zbekistonlik professional bokschi Fransiya vakili bilan jang qiladi
Sport
−
14 dekabr 2023 4044
O‘zbekistonlik professional bokschi Xurshid Tojiboyev navbatdagi jangini 15 dekabr kuni Fransiyaning Lion shahrida o‘tkazadi. Bu haqda Professional boks federatsiyasi matbuot xizmati xabar berdi.
Birinchi yarim yengil vaznda janglar o‘tkazadigan Tojiboyevning navbatdagi raqibi fransiyalik Kaddur Hmiani bo‘ladi. “Palais Des Sports De Gerland” arenada o‘tkaziladigan jang sakkiz raund etib belgilangan.
Ma’lumot uchun, Xurshid Tojiboyev shu yil Ispaniyaning “Adamas Sport” boks promouterlik kompaniyasi bilan shartnoma imzolagan edi. Havaskor boksda Osiyo chempioni, Olimpiya o‘yinlari ishtirokchisi bo‘lgan Tojiboyev profringda 6 ta jang o‘tkazib, barchasida g‘alaba qozongan. Uchta jangini muddatidan avval yakunlagan. Kaddur esa profringda 6 ta jang o‘tkazib, 4 g‘alaba (2 nokaut) va 2 mag‘lubiyat qayd etgan.
Live
Barchasi
