O‘zbekistonlik dzyudochilar Jahon chempionatida bir kunda 3 ta medal yutdi
Sport
−
27 Avgust 2022 6140 1 daqiqa
Kecha, 26 avgust kuni Bosniya va Gersegovinaning Sarayevo shahri mezbonligida o‘tayotgan dzyudo bo‘yicha kadetlar o‘rtasidagi Jahon chempionatining uchinchi kungi bellashuvlari bo‘lib o‘tdi. Unda o‘zbekistonlik dzyudochilar ham omadli ishtirok etib, 3 ta medal qo‘lga kiritdi. Bu haqda Sportni rivojlantirish vazirligi matbuot xizmati xabar berdi.
Qayd etish kerakki, finalga qadar mag‘lubiyatsiz yetib kelgan Alisher Samanov (-81 kg vazn toifasi) kumush medalni qo‘lga kiritgan bo‘lsa, Xurshida Razzoqberdiyeva (-63 kg) va Samariddin Muhbiddinov (-73 kg) jahon chempionatining bronza medaliga sazovor bo‘lgan.
Ma’lumot uchun, Jahon chempionatida O‘zbekiston terma jamoasi 3 ta kumush, 3 ta bronza medali jamg‘arib, umumjamoa hisobida 10-o‘rinni egallab turibdi.
Live
Barchasi
