O‘zbekistonga 4 ta Mi-35M jangovar vertolyotlari keltirildi

O‘zbekiston Respublikasi Mudofaa vazirligi ixtiyoriga 4 dona Mi-35M vertolyoti yetkazib berildi. Ayni vaqtda vertolyotlar Toshkent xalqaro aeroportida turibdi. Bu haqda “Sputnik” xabar bermoqda.

Kelishuvlarga ko‘ra, ikki yil davomida Rossiya O‘zbekistonga umumiy hisobda 12 dona Mi-35M transport-jangovar vertolyotlarini yetkazib beradi.

Birinchi to‘tta vertolyot 2019 yil to‘rtinchi chorakda yetkazib berilgandi. Harbiy-texnik hamkorlik federal xizmati ma’lumotlariga ko‘ra, Mi-35M vertolyotlarini yetkazib berish 2017 yilda O‘zbekiston hukumatiga berilgan davlat eksport krediti asosida amalga oshirilmoqda.

Mi-35M transport va jangovar vertolyoti zirhli texnikalarni yo‘q qilish va quruqlikdagi kuchlar bo‘linmalarini zarba berish tomondan qo‘llab-quvvatlash uchun mo‘ljallangan. Zamonaviy yuqori aniqlikdagi qurol-aslahalar bilan jihozlangan va turli ob-havo sharoitida jangovar vazifalarni bajarishga qodir. Mi-35M vertolyotlarida harbiy xizmatchilar va texnikani tashish mumkin.