O‘zbekistonda yangi jamg‘arma tuzilib, unga 100 mln dollar beriladi
Jamiyat
−
22 Oktabr 2020
9325O‘zbekistonda Investitsiyalar va tashqi savdo vazirligi huzuridagi Eksportni rag‘batlantirish agentligi huzurida Eksportni qo‘llab-quvvatlash jamg‘armasi tashkil etiladi. Bu haqda O‘zbekiston Prezidentining farmonida belgilandi.
Jamg‘armaning resurs bazasi quyidagi manbalar hisobidan shakllantiriladi:
• Tiklanish va taraqqiyot jamg‘armasi mablag‘lari hisobidan qaytarmaslik sharti bilan 100 million AQSH dollari;
• xalqaro moliya institutlari, xorijiy hukumat moliya tashkilotlari, xorijiy banklar va xususiy moliya kompaniyalarining qarzlari;
• Jamg‘arma mablag‘larini tijorat banklari depozitlariga belgilangan tartibda joylashtirishdan tushadigan daromadlar;
• qonun hujjatlarida taqiqlanmagan boshqa manbalar.
Tiklanish va taraqqiyot jamg‘armasi bir oy muddatda 100 million AQSH dollari miqdoridagi mablag‘ning 50 foizini boshlang‘ich kapitalni shakllantirish uchun Jamg‘armaga ajratilishini ta’minlaydi.