O‘zbekistonda umumxalq xayriya hashari o‘tkaziladi

Jamiyat

−

20 Avgust 2024 visibility8031 timer1 daqiqa

Joriy yilning 24−25 avgust kunlari O‘zbekistonda Mustaqillik bayrami arafasida umumxalq xayriya hashari bo‘lib o‘tadi. Bu haqda O‘zbekiston mahallalar uyushmasi xabar berdi.

Bildirilishicha, hashar “Mahalla obod – yurt obod” shiori ostida o‘tkaziladi. Undan ko‘zlangan maqsad mahallalar, aholi turar joylari, xiyobonlar, istirohat bog‘lari, ziyoratgohlar va qabristonlar va boshqa joylarni obodonlashtirishdan iborat.

Shuningdek, shu kunlari aholining ijtimoiy himoyaga muhtoj qatlamiga yordam ko‘rsatiladi.

Ma’lumot uchun, ushbu sanalar mos ravishda shanba va yakshanbaga to‘g‘ri kelmoqda.

Maqola muallifi