Turk razvedkasi O‘zbekistonda FETO`ning ikki a’zosini qo‘lga oldi. Ular terrorchilarni moliyalashtirgan

Turkiyaning Milliy razvedka tashkiloti O‘zbekistonda o‘tkazgan operatsiyasi natijasida Fathullohchi Gulen tashkilotining (FETO) qochqindagi a’zolari Gurbuz Sevilay va Tamer Avjini qo‘lga oldi. Turk OAV ma’lumotiga ko‘ra, ular Turkiyaga olib ketilgan.

Gurbuz Sevilay Iroq va Suriyadagi terrorchi tashkilot PKK/KCK-PYD/YPG-SDG’ni o‘q-dori, raketa, antidron, radar tizimi uskunalari bilan ta’minlashda ishtirok etgani aytilmoqda.

Turkiya Mudofaa sanoatida ishlagan Gurbuz Sevilay 2016 yilgi davlat to‘ntarishidan keyin lavozimidan ozod qilingan.

Gurbuz Sevilay O‘zbekistondan turib FETO’chilarga moddiy yordam ko‘rsatib kelgan. U Turkiyada davlat tashkilotlariga sizdirilgan tashkilot a’zolarining iltimosi bilan xorijdagi noqonuniy savdolarni amalga oshirgan. Buni Ukraina va Qirg‘izistonda ochgan firmalari orqali amalga oshirgani aniqlangan.

Tamer Avji esa tashkilotga yangi a’zolar topish va ularni joylashtirish bilan shug‘ullangan. U shuningdek, FETO’ga aloqador kompanilarda ham ishlagan.