O‘zbekistonda 7 hokim o‘rinbosari va 34 nafar bank rahbarlari jinoiy javobgarlikka tortildi

Avvalroq, O‘zbekistonda 647 nafar mansabdor shaxs huquq-tartibot organlari tomonidan qo‘zg‘atilgan 454 ta jinoiy ish doirasida jinoiy javobgarlikka tortilgani haqida xabar bergan edik. Ular orasida 34 nafar bank rahbarlari, 59 nafar Ichki ishlar vazirligi xodimlari, 7 nafar hokim o‘rinbosarlari, hatto Milliy gvardiya tizimidagi mansabdorlar ham bor. Bu haqda Korrupsiyaga qarshi kurashish agentligi ma’lum qilgan. 

Qayd etilishicha, jinoiy javobgarlikka tortilgan 647 nafar mansabdor shaxslarning 4 nafari respublika miqyosidagi, 15 nafari viloyat miqyosidagi 626 nafar shahar-tuman miqyosidagi mansabdor shaxslarni tashkil qiladi. 

Jinoiy javobgarlikka tortilgan mansabdor shaxslar faoliyat yuritgan sohalar kesimi bo‘yicha tahlil natijalari quyidagicha: 

•  7 nafar hokim o‘rinbosarlari;

•  1 nafar prokuratura;

•  1 nafar Iqtisodiy jinoyatlarga qarshi kurashish departamenti;

•  13 nafar Majburiy ijro byurosi;

•  1 nafar Adliya;

•  59 nafar IIV xodimi;

•  6 nafar DSQ xodimi;

•  1 nafar bojxona;

•  2 nafar Milliy gvardiya;

•  3 nafar Mudofaa vazirligi;

•  57 nafar Sog‘liqni saqlash vazirligi;

•  8 nafar Bandlik va mehnat munosabatlari vazirligi;

•  15 nafar Oliy va o‘rta maxsus ta’lim vazirligi;

•  89 nafar Xalq ta’limi vazirligi;

•  36 nafar Maktabgacha ta’lim vazirligi;

•  34 nafar bank rahbarlari;

•  184 nafar ustavida davlat ulushi mavjud bo‘lgan xo‘jalik yurituvchi sub’ektlarning rahbarlari jinoiy javobgarlikka tortilgan.

 Eslatib o‘tamiz, o‘tgan 9 oy davomida korrupsion jinoyatlar oqibatida 200 mlrd so‘mdan ortiq moddiy zarar yetkazilgan.

Karim Zaripov