O‘zbekistonda 5,3 magnitudali zilzila bo‘ldi
Jamiyat
−
20 May 22511 1 daqiqa
Bugun, 20 may kuni O‘zbekiston hududida 5,3 magnitudali zilzila sodir bo‘ldi. Bu haqda Seysmoprognostik monitoring Respublika markazi xabar berdi.
Qayd etilishicha, yer qimirlashi soat 01:40 da yuz bergan. Magnitudasi 5,3, chuqurligi 10 km. Zilzila epitsentri Toshkentdan 527 km janubiy-g‘arbda joylashgan Qorako‘l tumani. Koordinatalari: 40,27 daraja shimoliy kenglik, 63,1 daraja sharqiy uzunlik.
O‘zbekiston Respublikasi hududida sezilish kuchi:
- Buxoro viloyatida 3-4 ball, 127 km;
- Navoiy viloyatida 2-3 ball, 194 km.
Eslatib o‘tamiz, kecha, 19 may kuni Tojikistonning Xatlon viloyatida zilzila sodir bo‘lgandi va u O‘zbekiston hududida ham sezilgandi.
