O‘zbekiston Rossiyadan sayyohlar oqimini ikki baravarga oshirmoqchi

O‘zbekiston rahbariyati Rossiyadan kelayotgan sayyohlarning yillik oqimini 1 million kishiga yetkazish vazifasini qo‘ymoqda. Bu haqda O‘zbekistonning Rossiya Federatsiyasidagi elchixonasi turizm sektori boshlig‘i Azamat Raimov Sankt-Peterburg xalqaro iqtisodiy forumidagi chiqishi chog‘ida ma’lum qildi, deb yozmoqda TASS. 

“Respublikamiz rahbariyati shaxsan elchimiz Botirjon Zakirovich Asadovga Rossiya Federatsiyasi bilan hamkorlikda turizm sohasini mustahkamlash va yaqin kelajakda rossiyalik sayyohlar sonini 1 million kishiga yetkazish bo‘yicha topshiriq berdi”, degan Raimov. 

U 2022 yilda O‘zbekistonga 567 ming rossiyalik sayyoh tashrif buyurganini eslatgan. O‘z navbatida, 2022 yil uchun ko‘rsatkichlar O‘zbekistonga Rossiyadan 190 mingga yaqin sayyohni qabul qilgan 2021 yildagi statistik ma’lumotlardan sezilarli darajada oshadi. 

“Ya’ni biz nafaqat pandemiyadan oldingi ko‘rsatkichlarga erishdik, balki ularni allaqachon bosib o‘tdik va hech qachon bu natijalar bilan to‘xtab qolmaymiz, bizda ulkan salohiyat borligini tushunamiz”.  

U O‘zbekiston va Rossiya o‘rtasida vizasiz rejim o‘rnatilgani, ikki davlat o‘rtasida haftasiga amalga oshiriladigan reyslar soni 250 tadan oshganini eslatgan.