O‘zbekiston dunyoning eng kuchli pasportlari reytingida odimladi

O‘zbekiston pasporti dunyoning eng kuchli pasportlari reytingida 68-o‘rinni egalladi. Ushbu ma’lumot “Passport Index” saytida e’lon qilindi.

Mazkur reytingda O‘zbekiston pasporti 95 ta davlat ichida 68-o‘rinni band etdi. Reyting davlat fuqarolarining nechta mamlakatga vizasiz kirish imkoniyatiga qarab tuzilgan.

Unga ko‘ra, O‘zbekiston fuqarolari 31 ta davlatga vizasiz kirish huquqiga ega, 46 ta davlatda esa vizani mamlakatga borgandan so‘ng olishi mumkin. Shu bilan birga, O‘zbekiston fuqarolari 120 ta davlatga borish uchun oldindan viza olishlari shart.

Qayd etilishicha, dunyoning eng kuchli pasportiga Birlashgan Arab Amirliklari (BAA) fuqarolari ega. Ular 133 ta davlatga vizasiz borishi, 47 ta davlatda esa vizani borib olish imkoniyatiga ega.

Qo‘shni davlatlar orasida Qozog‘iston 52-, Qirg‘iziston 68-, Tojikiston 72- va Turkmaniston 76-o‘rinni egallagan. Afg‘oniston esa 94-o‘rinni band qilgan.

Ma’lumot uchun, O‘zbekiston  2024 yilda ushbu reytingda 70-o‘rinni egallagan

O‘zbekiston fuqarolari vizasiz tashrif buyurishi mumkin bo‘lgan davlatlar:
Antigua va Barbuda

1. Armaniston
2. Barbados
3. Belarus
4. Birlashgan Arab Amirliklari (BAA)
5. Dominika
6. Eron
7. Falastin
8. Filippin
9. Gaiti
10. Gambiya
11. Gruziya
12. Keniya
13. Kot-d'Ivuar
14. Malayziya
15. Mikroneziya
16. Mo‘g‘uliston
17. Moldova
18. Namibiya
19. Ozarbayjon
20. Qirg‘iziston
21. Qozog‘iston
22. Rossiya
23. Sent-Vinsent va Grenadin orollari
24. Seyshel orollari
25. Shri-Lanka
26. Surinam
27. Tailand
28. Tojikiston
29. Turkiya
30. Ukraina
31. Ummon