O‘zbekiston 1 yilda qancha telefon import qilgani ochiqlandi

2024 yilda O‘zbekistonga 4,2 mln dona mobil telefon import qilingan. Bu haqda Statistika agentligi xabar berdi.

Dastlabki ma’lumotlarga ko‘ra, O‘zbekiston 2024 yilda xorijdan qiymati 374,5 mln AQSH dollariga teng bo‘lgan qariyb 4,2 mln dona mobil telefon import qilgan.

O‘zbekistonga 2024 yilning 12 oyida eng ko‘p telefon import qilgan davlatlar:

• Xitoy – 3,4 mln dona;
• Vetnam – 589,4 ming dona;
• Hindiston – 113,6 ming dona;
• Gonkong – 46,1 ming dona;
• Boshqa davlatlar – 5,4 ming dona.

Ma’lumot uchun, O‘zbekistonga 2023 yilda xorijdan qiymati 240,1 mln AQSH dollariga teng bo‘lgan 3,4 mln dona mobil telefon import qilingandi.

O‘zbekiston 2023 yil mobaynida mobil telefonlarni eng ko‘p import qilgan davlatlar:

• Xitoy – 3,1 mln dona;
• Vetnam – 276,8 ming  dona;
• Hindiston – 37,2 ming dona;
• BAA – 7,8 ming dona.

Mobil telefonlar importi 2024 yil bilan solishtirilganda 800 mingtaga oshgan.