O‘zbek-tojik chegarasida halok bo‘lganlar shaxsi ma’lum bo‘ldi
Olam
−
06 noyabr 2019
14604Tojik-o‘zbek chegarasida yuz bergan hodisa vaqtida halok bo‘lgan kuch tuzilmalari vakillari ismlari ma’lum bo‘ldi. Bu haqda Sputnik Tojikiston yozmoqda.
O‘ldirilganlardan biri – chegara qo‘shinlari xizmatchisi Izzatullo Abubakr bo‘lib, u Dushanbedagi Zarafshon tumanidagi xalq orasida Mullo Abubakr sifatida tanilgan taniqli diniy arbob - Abubakr Latipovning o‘g‘li.
Izzatullo Abubakr 26 yoshda bo‘lgan. Qarindoshlarining so‘zlariga ko‘ra, Izzatullo yaqinda uylangan.
Hujum vaqtida halok bo‘lgan ikkinchi shaxs – IIV xodimi Bahrom Shahzoda ekanligi ma’lum bo‘ldi. U Rudaki tumani Esanboy qishlog‘ida tuman uchastka militsioneri lavozimida faoliyat yuritgan.
Avval xabar berganimizdek, bugun, 6 noyabr kuni soat 3:23 da 20 kishilik yuziga niqob taqqan 20 nafar qurollangan jangarilar Tojikistonning “Sultonobod” chegara otryadi harbiy qismiga qarashli 4-“Ishkobod” chegara punktiga qurolli hujum uyushtirgani haqida xabar bergan edik. Qurolli to‘qnashuv natijasida ularning 15 nafari yo‘q qilingan, 5 nafari qo‘lga olingan. To‘qnashuv vaqtida Tojikiston IIV xodimi va bir askar ham halok bo‘lgan. Keyinroq, ushbu qurolli hujum ISHID terroristik guruhi jangarilari tomonidan amalga oshirilgani aytildi.
LiveBarchasi
07 noyabr 2023
07 noyabr 2023
07 noyabr 2023