O‘zbek tili o‘qituvchilariga 50 foiz ustama to‘lanadi

Maktablardagi o‘zbek tili (davlat tili) fani o‘qituvchilarga 50 foiz miqdorida har oylik qo‘shimcha ustama to‘lanadi. Bu haqda O‘zbekiston Respublikasi Prezidentining “O‘zbekiston – 2030” strategiyasini “Atrof- asrash va “yashil iqtisodiyot” yilida amalga oshirishga oid davlat dasturi to‘g‘risida”gi Farmonida so‘z boradi.

Farmonga ko‘ra, 2025 yil 1 fevraldan boshlab Maktabgacha va maktab ta’limi vazirligi tizimidagi umumiy o‘rta ta’lim muassasalarida o‘zbek tili (davlat tili) fani bo‘yicha dars beruvchi hamda Bilim va malakalarni baholash agentligining milliy baholash tizimida olingan tegishli darajadagi o‘zbek tili va adabiyoti sertifikatiga ega bo‘lgan pedagog kadrlarga ularning tarif stavkasiga nisbatan 50 foiz miqdorida har oylik qo‘shimcha ustama to‘lanadi.

Ayni paytda, bugun, 10 fevral kuni O‘zbekiston “Milliy tiklanish“ demokratik partiyasi fraksiyasi yig‘ilishida Prezidentning 2024 yil 21 fevraldagi 37-sonli Farmonida 2025 yil 1 yanvardan milliy sertifikatga ega “O‘zbek tili va adabiyoti” fani o‘qituvchilariga ham 50 foiz ustama to‘lanishi belgilangani, ammo Maktabgacha va maktab ta’limi vazirligining qaysidir hujjati bilan bu tartib faqat “Ona tili va adabiyot” hamda “Tarix” fanlari o‘qituvchilariga tatbiq etilayotgani tanqid qilindi.

Fraksiya a’zosi Nodir Tilavoldiyev ushbu masalani ko‘tarib, vazirlikning bu harakatini Davlat tiliga hurmatsizlik deb baholagan. Vazir o‘rinbosari Sherzod Karimov esa bu masala bo‘yicha alohida hujjat tayyorlanayotgani, tez kunlarda ijobiy hal qilinishini ma’lum qilgan.