Uy tomidan o‘zbekistonlikning jasadi topildi
Olam
−
22 iyul 2019 7569
Rossiyaning Sankt-Peterburg shahrida O‘zbekiston fuqarosining jasadi topildi. Bu haqda TIV O‘zbekistonning Sankt-Peterburg shahridagi Bosh konsulxonasiga tayanib xabar berdi.
Bosh konsulxona bergan ma’lumotga ko‘ra, joriy yilning 19 iyul kuni mazkur shaharning Moskva tumanidagi uy tomida O‘zbekiston fuqarosi U.A.ning jasadi topilgan. Politsiya o‘limga elektr toki urishi sabab bo‘lganini ma’lum qildi.
Bosh konsulxona vaziyatni nazoratga olgan va O‘zbekiston Bandlik va mehnat munosabatlari vazirligi huzuridagi Tashqi mehnat migratsiyasi masalalari agentligi Vakolatxonasi bilan birgalikda konsullik-huquqiy masalalarni hal qilish va marhumning jasadini Vatanga yuborishda yordam berish bilan shug‘ullanmoqda.
Live
Barchasi
