Usik-Fyuri jangining reklama roligi e’lon qilindi (video)

Boks bo‘yicha og‘ir vazn toifasida mutlaq jahon chempioni ukrainalik Aleksandr Usik va WBC yo‘nalishi bo‘yicha sobiq jahon chempioni britaniyalik Tayson Fyuri o‘rtasidagi revansh jangi uchun zamonaviy promo rolik taqdim etildi.

Reklama videosida bir nechta mashhur Gollivud filmlaridan, jumladan “Oltinchi tuyg‘u”, “Garri Potter va hikmatlar toshi” va boshqa bir nechta filmlardan ilhomlanilgan.

Rolikda har ikki bokschi hayotidagi turli epizodlarda go‘yoki bo‘lajak raqibini ko‘rgandek bo‘ladi va oxir-oqibat Usik Fyuriga qo‘ng‘iroq qilib, barchasini ringda hal qilishni taklif qiladi.

Ma’lumot uchun, Aleksandr va Tayson o‘rtasidagi ikkinchi jang 21 dekabr kuni Saudiya Arabistoni poytaxti Ar-Riyodda bo‘lib o‘tadi. Usik va Fyuri o‘rtasidagi ilk jang ham Ar-Riyodda bo‘lib o‘tgan. Qarama-qarshilik to‘liq12 raund davom etgan va hakamlarning bo‘lingan qarori bilan ukrainalik bokschi g‘alaba qozongan.