Усик-Фьюри жангининг реклама ролиги эълон қилинди (видео)

Спорт

−

02 Декабрь visibility1617

Бокс бўйича оғир вазн тоифасида мутлақ жаҳон чемпиони украиналик Александр Усик ва WBC йўналиши бўйича собиқ жаҳон чемпиони британиялик Тайсон Фьюри ўртасидаги реванш жанги учун замонавий промо ролик тақдим этилди.

Реклама видеосида бир нечта машҳур Голливуд фильмларидан, жумладан “Олтинчи туйғу”, “Гарри Поттер ва ҳикматлар тоши” ва бошқа бир нечта фильмлардан илҳомланилган.

Роликда ҳар икки боксчи ҳаётидаги турли эпизодларда гўёки бўлажак рақибини кўргандек бўлади ва охир-оқибат Усик Фьюрига қўнғироқ қилиб, барчасини рингда ҳал қилишни таклиф қилади.

Маълумот учун, Александр ва Тайсон ўртасидаги иккинчи жанг 21 декабрь куни Саудия Арабистони пойтахти Ар-Риёдда бўлиб ўтади. Усик ва Фьюри ўртасидаги илк жанг ҳам Ар-Риёдда бўлиб ўтган. Қарама-қаршилик тўлиқ12 раунд давом этган ва ҳакамларнинг бўлинган қарори билан украиналик боксчи ғалаба қозонган.

Мақола муаллифи