Urganch tumaniga yangi hokim tayinlandi
Jamiyat
−
01 aprel 2023
8995Bugun, 1 aprel kuni, xalq deputatlari Urganch tumani Kengashining navbatdan tashqari sessiyasida G‘ayratjon Sultonov tumanning yangi hokimi etib tayinlandi. Bu haqda viloyat hokimligi matbuot xizmati xabar berdi.
Ma’lum qilinishicha, sessiyada tashkiliy masala ko‘rilib, Xorazm viloyati hokimi Jo‘rabek Rahimov so‘zga chiqib, G‘ayratjon Sultonovni tuman hokimligiga tavsiya etgan. Ushbu taklif tuman Kengashi deputatlari tomonidan ma’qullangan.
Yangi lavozimga tasdiqlangunga qadar G‘ayratjon Sultonov Bosh prokuratura huzuridagi Iqtisodiy jinoyatlarga qarshi kurashish departamentining Qoraqalpog‘iston Respublikasi boshqarmasi boshlig‘i lavozimida ishlab kelayotgan edi.
Bungacha Urganch tumani hokimi lavozimida ishlab kelayotgan Frunze Sharipov egallab turgan lavozimidan ozod qilingan.
LiveBarchasi
22 Oktabr