Ukrainadagi chigilyozdidan keyin dunyoni AQSH va Xitoy urushi kutyapti – Admiral Richard

Jahon kuchlarining keng ko‘lamli urushi yaqin kelajak masalasidir. Amerikaliklar mamlakat uzoq yillar davomida duch kelmagan muammolarga duch kelishmoqda. Bu haqda AQSH strategik qo‘mondonligi rahbari admiral Charlz Richard ma’lum qildi, deya xabar berdi “Pravda.ru”. 

“Biz hozir boshdan kechirayotgan Ukraina inqirozi shunchaki chigilyozdi. Bundan ham kattasi keladi”, dedi admiral. 

Richardning fikricha, AQSHning asosiy raqibi Xitoy bo‘lib, uning harbiy salohiyati hayratlanarli. Shu munosabat bilan admiral Pentagonni mudofaaga yondashuvni imkon qadar tezroq o‘zgartirishga chaqirdi. 

“Xitoyga qarshi tiyilish darajamizni quyidagicha baholayman: kemamiz cho‘kmoqda. Bu yaqin kelajak uchun muammo”, deydi u. 

Richard Xitoy va AQSH o‘rtasidagi urush uzoq vaqtdan beri ikki kuch o‘rtasidagi qarama-qarshilikning eng qaynoq nuqtasi bo‘lgan Tayvan bo‘g‘ozidagi mojaro tufayli boshlanishiga ishonchi komil. 

Amerikalik ekspertlar Xitoyda ishlab chiqarilgan suv osti kemalari tez orada dunyodagi eng ko‘zga ko‘rinmas kemaga aylanishini allaqachon qayd etgan. Bundan tashqari, Xitoy gipertovushli qurollarni ishlab chiqish bo‘yicha AQSHdan bir necha yil oldinda bormoqda. 

Amerikaning Military Watch Magazine nashri tahlilchilari “Taybey va yaqin atrofdagi Amerika qo‘shinlarining imkoniyatlari Xitoy bilan solishtirganda tobora pasayib bormoqda” degan xulosaga keldi.