Ukraina hukumati Xerson merining o‘rinbosarini hibsga oldi

Ukraina hukumati yaqinda ozod qilingan Xerson merining o‘rinbosarini Rossiya bosqinchi kuchlari bilan hamkorlikda gumon qilib hibsga oldi. Bu haqda Ukraina Davlat tergov byurosi ma’lum qildi. 

Qayd etilishicha, hujjatda ismi-sharifi ko‘rsatilmagan hokim o‘rinbosari ishg‘ol qiluvchi organlar bilan hamkorlik qilib, ular nazoratidagi xizmatlarning ishlashiga yordam bergan. 

Mahbusning aybi isbotlansa, ushbu ayblovlar bo‘yicha 12 yilgacha ozodlikdan mahrum etilishi mumkin. Agentlik ma’lumotlariga ko‘ra, u hibsda, ammo garov evaziga ozod qilinishi mumkin. 

Fevral oyida Ukrainaga bostirib kirgan rus qo‘shinlari shaharni tark etib, Dneprning narigi tomoniga o‘tganidan so‘ng, 11 noyabr kuni Ukraina Xersonning ozod qilinganini e’lon qildi. Qo‘shinlarning olib chiqilishi urushdan oldin deyarli 300 ming aholiga ega bo‘lgan Xersonning sakkiz oydan ortiq ruslar tomonidan bosib olinishiga barham berdi. 

Rus qo‘shinlari shaharni Dneprning narigi tomonidan tez-tez o‘qqa tutadi. 

Ukraina Xersonda tartibni tiklash muammosiga duch kelmoqda. O‘n minglab aholi qochib ketgan, elektr va asosiy kommunal xizmatlar mavjud emas. Xavfsizlik kuchlari hamkorlar va fuqaro kiyimidagi rus askarlarini qidirishda davom etmoqda.