O‘quvchilari sinfda klip ko‘rgan maktabning rahbariyati va mas’ullari ishdan olindi
Jamiyat
−
07 may 10358
Ijtimoiy tarmoqlarda maktab o‘quvchilari sinfxonasida behayo klip tomosha qilayotgani tasvirlangan video tarqaldi. Mazkur holat bo‘yicha Sirdaryo viloyati Maktabgacha va maktab ta’limi boshqarmasi munosabat bildirdi.
Ma’lum bo‘lishicha, videolavhadagi holat Sardoba tumanidagi 5-umumta’lim maktabida sodir bo‘lgan.
“O‘quvchilarni darsdan bo‘sh vaqtida nazoratsiz qoldirib, ushbu holat yuzaga kelishiga yo‘l qo‘ygani uchun sinf rahbari, maktab direktori, direktorning o‘quv ishlari va ma’naviy-ma’rifiy ishlar bo‘yicha o‘rinbosarlari bilan tuzilgan mehnat shartnomasi bekor qilindi”, deyiladi boshqarma xabarida.
Eslatib o‘tamiz, oldinroq Toshkentda dars paytida qarta o‘ynagan o‘quvchilarning ota-onasi jazolangandi.
Live
Barchasi
