UFC 294 da Chimayev uchun juda jiddiy raqib topildi
Sport
−
12 Oktabr 2023 7061
Chechenistonlik mashhur jangchi Hamzat Chimayevning UFC 294 turniridagi braziliyalik raqibi Paulo Kosta uch hafta oldin tirsagidan operatsiya qilingani tufayli Abu-Dabidagi turnirda ishtirok etmaydi. Jarohat olgan Kosta o‘rniga amerikalik mashhur jangchi Kamaru Usman oktagonga chiqadi. Bu haqda UFC o‘z rasmiy sahifasida ma’lum qildi.
Kamaru Usman Abu-Dabi mezbonligidagi turnirga 9 kun qolganida bitta yuqori vaznga ko‘tarilib, o‘rta vaznda janglar o‘tkazadigan Hamzat Chimayevga qarshi jang qilishga rozi bo‘ldi.
Mart oyida UFC 286 turnirida Usman yarim o‘rta vazn toifasida amaldagi chempion britaniyalik Leon Edvardsga yutqazib qo‘ygandi.
Eslatib o‘tamiz, avvalroq UFC 294 turnirining markaziy jangida ham ishtirokchi o‘zgargani xabar qilingandi. Braziliyalik aralash jang ustasi Charlz Oliveyra qoshidagi chuqur jarohat sababli Maxachevga qarshi oktagonga ko‘tarila olmaydi.
