UFC 294 да Чимаев учун жуда жиддий рақиб топилди
Спорт
−
12 Октябрь 2023 7060
Чеченистонлик машҳур жангчи Ҳамзат Чимаевнинг UFC 294 турниридаги бразилиялик рақиби Пауло Коста уч ҳафта олдин тирсагидан операция қилингани туфайли Абу-Дабидаги турнирда иштирок этмайди. Жароҳат олган Коста ўрнига америкалик машҳур жангчи Камару Усман октагонга чиқади. Бу ҳақда UFC ўз расмий саҳифасида маълум қилди.
Камару Усман Абу-Даби мезбонлигидаги турнирга 9 кун қолганида битта юқори вазнга кўтарилиб, ўрта вазнда жанглар ўтказадиган Ҳамзат Чимаевга қарши жанг қилишга рози бўлди.
Март ойида UFC 286 турнирида Усман ярим ўрта вазн тоифасида амалдаги чемпион британиялик Леон Эдвардсга ютқазиб қўйганди.
Эслатиб ўтамиз, аввалроқ UFC 294 турнирининг марказий жангида ҳам иштирокчи ўзгаргани хабар қилинганди. Бразилиялик аралаш жанг устаси Чарльз Оливейра қошидаги чуқур жароҳат сабабли Махачевга қарши октагонга кўтарила олмайди.
Live
Барчаси
