To‘rt viloyatda qo‘g‘irchoq teatrlari ochiladi
O‘zbekiston
−
02 Dekabr 2020 10968 1 daqiqa
O‘zbekiston Respublikasi Vazirlar Mahkamasining “Respublikada ayrim davlat teatrlari faoliyatini tashkil etish chora-tadbirlari to‘g‘risida”gi qarori qabul qilindi. Bu haqda Adliya vazirligi xabar berdi.
Qarorga ko‘ra:
• Namangan va Sirdaryo viloyatlarida – qo‘g‘irchoq teatrlari;
• Navoiy va Toshkent viloyatlarida – qo‘g‘irchoq teatrlari va musiqali drama teatrlari faoliyati tashkil etiladi.
Qo‘g‘irchoq teatrlari va musiqali drama teatrlari faoliyati samaradorligini oshirish, ularning ijodiy faoliyatini rivojlantirish va moddiy-texnika bazasini mustahkamlash maqsadida “do‘stlar klublari” faoliyati yo‘lga qo‘yiladi.
Shuningdek, 2021/2022 o‘quv yilidan:
• O‘zbekiston davlat san’at va madaniyat institutida “Qo‘g‘irchoq yasash texnologiyasi” ixtisosligi bo‘yicha ta’lim yo‘nalishini ochish;
• qo‘g‘irchoq teatri rejissyorligi, aktyorligi va dramaturgiya yo‘nalishi bo‘yicha maxsus sirtqi bo‘limlarni tashkil qilish;
• Kamoliddin Behzod nomidagi Milliy rassomlik va dizayn institutida “Qo‘g‘irchoq teatri rassomi” ixtisosligi bo‘yicha ta’lim yo‘nalishini ochish choralari ko‘riladi.
Live
BarchasiShavkat Mirziyoyev Ummonga bordi
16 Noyabr
Bangladeshda tikuvchilar ish tashlamoqda
16 Noyabr
16 Noyabr
Iordaniyada Telegram bloklandi
16 Noyabr