Turkmanistonda niqob taqmaganlar majburan paxta terimiga jo‘natilmoqda – OAV

Turkmanistonning bir qator shaharlarida politsiya niqob taqish ustidan nazoratni kuchaytirdi. Turkmen.news manbalariga ko‘ra, niqob taqmagan fuqarolar doimiy ravishda ko‘chalarda to‘xtatib, bayonnomalar tuzilmoqda. Politsiya e’tiborini nafaqat niqobsiz o‘tayotganlar, balki ularni taqish qoidalarini buzuvchilar ham jalb qilmoqda.

Fuqarolardan birining ma’lum qilishicha, unga niqobsiz yurgani uchun ogohlantirish berilgan. Politsiya, agar u mashinada yolg‘iz bo‘lsa ham, niqob rejimini buzmaslik kerakligini ta’kidlamoqda. Agar u yana qoidabuzarlik bilan ushlansa, jarima to‘lashi kerak bo‘ladi.

"Tanishlarimdan biri birinchi marta jarimaga tortildi. Uning niqobi bor edi, shunchaki iyagiga taqilgandi. Mashinada yo‘lovchilar yo‘q edi.  ", - deya qo‘shimcha qildi Ashxabodlik. - Va uning niqobi bor edi, shunchaki iyagida. Va mashinada ham yo‘lovchilar yo‘q edi. Ammo u o‘zini juda yomon tutdi. Agar xotirjam bo‘lganida, birinchi marta ogohlantirish olgan bo‘lar edi”, deydi ashxobodlik fuqarolardan biri.

Ayni paytda Mari shahridagi manbaning aytishicha, voyaga yetmagan bola politsiya bo‘limiga olib ketilgan. Bolaning onasi bo‘limga chaqirilgan. Biroq ayol politsiya bilan janjallashgan va jarimani ham to‘lamay o‘g‘lini olib ketgan. Ayrim ma’lumotlarga ko‘ra, niqob rejimini buzuvchilar (shu jumladan, bolalar) Maridagi paxta terimiga majburan yuborilgan.

Rasmiy versiyaga ko‘ra, Turkmanistonda birorta ham COVID-19 kasalligi aniqlanmagan. Barcha karantin choralari profilaktika choralari hisoblanadi. Bugungi kunda butun dunyoda aholisi 1 milliondan ortiq bo‘lgan ikkita davlat bor, ularning hukumati o‘zlarida koronavirus yo‘qligini e’lon qilmoqda: Turkmaniston va Shimoliy Koreya.