Turkmaniston Ozarbayjonga gaz eksportini to‘xtatdi

2024 yil uchun yetkazib berish shartlari bo‘yicha kelisha olmagani uchun Turkmaniston Eron orqali Ozarbayjonga gaz eksportini to‘xtatdi. Bu haqda “Trend.az” xabar berdi. 

Qayd etilishicha, hozirda Ashxobod va Baku o‘rtasida muzokaralar olib borilmoqda, eksport to‘xtatilgani sababli tomonlar muammoni hal qilgandan keyin yetkazib berish davom etadi.

Eron ham yetkazib berishni qayta tiklashdan manfaatdor, chunki uning yordami bilan mamlakat Turkmaniston bilan chegaradosh shimoliy hududlarini gaz bilan ta’minlaydi. Bu, ayniqsa, qishda muhim ahamiyatga ega.

Ozarbayjon turkman gazini 2022 yil yanvaridan boshlab import qiladi.

Ma’lumotlarga ko‘ra, 2022 yilda Turkmaniston Ozarbayjonga 0,9 milliard kub metr, 2023 yilda esa 2,6 milliard kubometr gaz yetkazib bergan.

“Ozarbayjon 2024 yilda Turkmanistondan uch milliard kub metrgacha gaz sotib olishni rejalashtirgan edi, biroq tijorat shartlari va aniq kunlik hajmlar hali kelishib olinmagan. Maslahatlashuvlar Yangi yil bayramlaridan keyin ham davom etdi”, deya Ozarbayjon hukumatidagi manbaning so‘zlaridan iqtibos keltirmoqda nashr.