Turkiyada o‘zbekistonlik ayol vahshiylarcha o‘ldirildi (video)
3-sahifa
−
23 Sentabr 2023 68976
Turkiyaning Dyuzje shahrida yashovchi 68 yoshli erkak o‘zining shar’iy nikohidagi o‘zbekistonlik ayolni vahshiylarcha o‘ldirdi. Bu haqda “Son dakika” turk nashri xabar berdi.
Ma’lumotlarga ko‘ra, qotillikka o‘zaro tortishuv sabab bo‘lgan. A.G. ismli shaxs B.O.ni o‘zini aldaganlikda ayblagan va uni bo‘g‘izlab o‘ldirgan. Shundan so‘ng, qotil politsiya bo‘limiga borib, o‘z aybiga iqror bo‘lgan.
Hodisa kechki payt shahar markazidagi Orhangazi tumani 502-ko‘chasida sodir bo‘lgani ma’lum qilindi.
B.O.ning jasadi prokuror tekshiruvidan so‘ng, Dyuzje davlat kasalxonasi o‘likxonasiga olib ketilgan. Hozirda holat yuzasidan surishtiruv ishlari olib borilmoqda.
Eslatib o‘tamiz, AQSHning Bruklin tumanida o‘zbekistonlik 15 yoshli o‘smir tasodifan otib o‘ldirilgandi.
Live
Barchasi
