Turkiyada to‘shak ostiga berkinayotgan ayollar ushlandi. Ular orasida o‘zbekistonliklar ham bor

Olam

−

12 dekabr 2023 visibility16918 timer1 daqiqa

Turkiyaning Tekirdag shahrida fohishalik bilan shug‘ullanib kelgan o‘zbekistonlik ayollar qo‘lga olindi. Bu haqda "EnSonHaber" xabar berdi.

Ma’lumotlarga ko‘ra, uyushtirilgan reyd davomida jami 7 kishi ushlangan. Shundan uch nafari o‘zbekistonlik ayollar – D.E. (37 yosh), U.A. (40 yosh), O.A. (31 yosh) bo‘lgan. E’tiborlisi, operatsiya paytida ayollarning to‘shak ostiga berkinmoqchi bo‘layotgani xavfsizlik kamerasiga muhrlangan.

Ayollar ijtimoiy tarmoqlarda intim xizmatlar ko‘rsatilishi haqida e’lonlar joylashtirgan. Tintuv chog‘ida ko‘plab shahvoniy mazmundagi materiallar, uyali telefonlar va noqonuniy yo‘li bilan ishlagan pullari olib qo‘yilgan. Hozirda ularga nisbatan tergov harakatlari olib borilayotgani aytilgan.

Eslatib o‘tamiz, oldinroq Turkiyada fohishalik qilayotgan 49 o‘zbekistonlik ayol qo‘lga olingandi.

Maqola muallifi