Turkiyada prezidentlik saylovi tugadi

Bugun, 28 may kuni Turkiyada prezidentlik saylovining 2-turi bo‘lib o‘tdi. Soat 17:00 (Toshkent vaqti bilan 19:00)da saylov uchaskalari yopildi. Bu haqda “TRT” xabar berdi.

Keyingi 5 yil muddatda Turkiyani boshqaradigan kishini tanlash uchun butun mamlakat bo‘ylab 191 ming 885 ta saylov qutisi o‘rnatilgan. Fuqorolar soat 8:00 dan ovoz berishni boshlagan.  

Aytilishicha, soat 18:00 ga qadar radiolar va barcha turdagi eshittirish organlari saylov va saylov natijalariga oid xabarlar, bashoratlar va sharhlar bera olmaydi. Faqat Oliy saylov komissiyasi 18:00 dan 21:00 gacha saylovga oid xabar va bildirishnomalarni radiolar va barcha turdagi radioeshittirish organlari orqali efirga uzata oladi. Barcha eshittirishlar saylov kuni soat 21:00 dan keyin chiqariladi, biroq OSK tomonidan zarur deb topilsa, 21:00 dan oldin efirga uzatilishiga qaror qilinishi mumkin.

Shuningdek, OSK ovoz berish jarayoniga ta’sir ko‘rsatadigan noxush hodisalar kuzatilmaganini e’lon qilgan.