Туркияда президентлик сайлови тугади

Бугун, 28 май куни Туркияда президентлик сайловининг 2-тури бўлиб ўтди. Соат 17:00 (Тошкент вақти билан 19:00)да сайлов учаскалари ёпилди. Бу ҳақда “TRT” хабар берди.

Кейинги 5 йил муддатда Туркияни бошқарадиган кишини танлаш учун бутун мамлакат бўйлаб 191 минг 885 та сайлов қутиси ўрнатилган. Фуқоролар соат 8:00 дан овоз беришни бошлаган.  

Айтилишича, соат 18:00 га қадар радиолар ва барча турдаги эшиттириш органлари сайлов ва сайлов натижаларига оид хабарлар, башоратлар ва шарҳлар бера олмайди. Фақат Олий сайлов комиссияси 18:00 дан 21:00 гача сайловга оид хабар ва билдиришномаларни радиолар ва барча турдаги радиоэшиттириш органлари орқали эфирга узата олади. Барча эшиттиришлар сайлов куни соат 21:00 дан кейин чиқарилади, бироқ ОСК томонидан зарур деб топилса, 21:00 дан олдин эфирга узатилишига қарор қилиниши мумкин.

Шунингдек, ОСК овоз бериш жараёнига таъсир кўрсатадиган нохуш ҳодисалар кузатилмаганини эълон қилган.