Turkiyada may oyidan beri eng ko‘p koronavirusga chalinish holati qayd etildi

Olam

−

20 Oktabr 2020 visibility4250 timer1 daqiqa

O‘tgan kecha-kunduzda Turkiyada koronavirus bilan bog‘liq 2 ming 26 ta holat qayd etilgan. Bu may oyidan beri aniqlangan eng katta o‘sish hisoblanadi.

Sentyabr va oktyabr oylarida Turkiyada koronavirus holatining kunlik ko‘rsatkichi ko‘paymoqda.

Ikki kun oldin mamlakatda 1 ming 815 ta holat aniqlangan va u may oyidan buyon kuzatilmagan rekord ko‘rsatkich hisoblangan.

Turkiya Sog‘liqni saqlash vaziri Fahrettin Ko‘ja koronavirusga qarshi kurashda muvaffaqiyatga faqat birgalikdagi sa’y-harakatlar orqali erishish mumkinligini aytgan.

Ma’lumot uchun, sentyabr oyida Ko‘ja mamlakatda koronavirusning ikkinchi to‘lqini boshlanganini e’lon qilgan. Uning ta’kidlashicha, bunga ommaviy bayramlarga yig‘ilayotgan fuqarolarning ehtiyotsizligi sabab bo‘lgan.

So‘nggi ma’lumotlarga ko‘ra, Turkiyada 350 mingdan ko‘p koronavirus yuqtirish holati aniqlangan. Mamlakatda 9371 ta o‘lim qayd etilgan. 305 mingdan ko‘p bemor esa sog‘ayib ketgan.

Dunyoda koronavirusga chalinganlar soni esa 40 milliondan oshgan. 27,6 milliondan ko‘p kishi sog‘ayib ketgan. 1,12 milliondan ortiq odam virus qurboni bo‘lgan.

Maqola muallifi