Turkiya poytaxtida sifatsiz aroqdan vafot etganlar 81 nafarga yetdi

Turkiya poytaxti Anqara shahrida qalbaki spirtli ichimliklar qurbonlari soni 81 nafarga yetdi. Davlatga tegishli TRT telekanali xabariga ko‘ra, tergov davomida 36 nafar gumonlanuvchi qo‘lga olingan. 

Joriy yilning fevral oyi o‘rtalarida qalbaki dori vositalaridan foydalanish oqibatida 60 ga yaqin o‘lim holati qayd etilgan. Poytaxt prokuraturasi tergovni davom ettirmoqda. Tergov jarayonida 36 nafar shaxs qo‘lga olingan, yana 41 nafar gumonlanuvchi sud nazorati ostida qo‘yib yuborilgan. 

Yanvar oyida turk ommaviy axborot vositalari Istanbulda 90 ga yaqin odam qalbaki spirtli ichimliklarni iste’mol qilib, shifokorlarga murojaat qilgani va ularga metanol (metil spirti)dan zaharlanish tashxisi qo‘yilgani haqida xabar bergan edi. Istanbulda spirtli ichimlikdan zaharlangan 70 kishi vafot etdi. Zaharlanish holatlarining deyarli barchasi asosan Turkmaniston va O‘zbekiston fuqarolari istiqomat qiladigan hududda qayd etilgan. 

Shu tariqa, yanvar oyidan beri Turkiyada 150 dan ortiq kishi qalbaki spirtli ichimliklarni iste’mol qilish qurboniga aylandi. Rasmiylar mamlakatdagi alkogol ishlab chiqaruvchilar va savdo nuqtalarini tekshirishni kuchaytirdi, bir necha o‘n minglab litr kontrafakt mahsulotlar musodara qilindi.