Turkiya parlamenti Finlandiyaning NATOga a’zoligini ma’qulladi

Turkiya parlamentining Tashqi ishlar qo‘mitasi bugun, 23 mart kuni Finlyandiyaning NATOga a’zoligi haqidagi protokolni tasdiqladi. Endi u butun parlament tomonidan tasdiqlanishi kerak, bu 26 martgacha bo‘lishi kutilmoqda, deb xabar berdi TRT telekompaniyasi. 

Protokol Prezident Rajab Toyib Erdo‘g‘an tomonidan parlamentga taqdim etilgan. 17 mart kuni u Anqara Finlyandiyaning alyansga kirish haqidagi arizasini ratifikatsiya qilishga tayyorligini ma’lum qildi. 

Eslatib o‘tamiz, bugun, 23 mart kuni Finlyandiya Prezidenti Sauli Niinistyo mamlakatning NATOga kirishi haqidagi qonunlarni imzoladi. 

Ma’lumot uchun, 2022 yilning may oyida Finlyandiya va Shvetsiya NATOga a’zo bo‘lish uchun ariza topshirgan. Biroq, Turkiya kurd tashkilotlarini terrorchi deb e’lon qilishni, terrorchilikda yoki 2016 yilda mamlakatdagi davlat to‘ntarishiga urinishda ishtirok etganlikda ayblangan shaxslarni ekstraditsiya qilishni va ularga qo‘yilgan taqiqlarni olib tashlashni talab qilib, a’zolik jarayoniga to‘sqinlik qilishga uringan. 

O‘tgan yilning 28 iyun kuni Madridda NATO sammiti boshlanishidan oldin Turkiya Prezidenti, Finlyandiya Prezidenti Sauli Niinistyo o‘sha paytda Shvetsiya Bosh vaziri Magdalena Andersson bilan alyans Bosh kotibi o‘rtasida muzokaralar bo‘lib o‘tdi. Muzokaralar davomida nomzodlarga NATO a’zoligiga ruxsat beruvchi memorandum imzolandi. Anqara avvalroq Finlyandiya va Shvetsiya bilan imzolangan memorandum yakuniy emasligini va Turkiya parlamenti uni ma’qullamasligi mumkinligini aytgan edi.