Tupak Shakurning qotili umrbod qamaldi

Kecha, 13 oktyabr kuni AQSHda Tupak Shakurning qotili Dueyn “Keffi Di” Devis umrbod qamoq jazosiga hukm qilindi. Unda 40 yildan so‘ng muddatidan ilgari shartli ozod qilinish imkoniyati mavjud. Bu haqda CNN xabar berdi.

Qayd etilishicha, sudya Karli Kirni South Side Compton Crips bandasining sobiq yetakchisi Devisga nisbatan afsonaviy reper Tupak Shakurning 1996 yildagi qotilligi bo‘yicha hukmni o‘qib eshittirgan.

“Umumiy jazo muddati 40 yildan umrbod ozodlikdan mahrum qilishni tashkil etadi. Ushbu muddatni o‘tash hisobiga sizga 731 kun o‘talgan jazo sifatida o‘tkaziladi”, deydi sudya.

Eslatib o‘tamiz, avvalroq Las-Vegas sudi a’zolari ko‘p yillik surishtiruvlardan so‘ng Dueyn De Clone/Devisni aybdor deb topgan edi. 63 yoshli ayblanuvchining o‘zi 1996 yilning sentyabr kechasida 25 yoshli san’atkor otib o‘ldirilgan voqealardagi ishtirokini bir necha bor oshkora tasvirlab bergan.

Shundan so‘ng, musiqachining qarindoshlari sud hay’ati bandaning sobiq yetakchisi Dueyn Devisni Tupakning qotilligida aybdor deb topganidan xursandchilik va yengillik his qilayotganliklarini bildirgan.