Trampning samolyoti nosozlik tufayli boshqa aeroportga qo‘ndi

AQSHning sobiq prezidenti va respublikachilar partiyasidan nomzod Donald Trampning samolyoti texnik nosozlik tufayli Montanadagi Billings shahri aeroportiga qo‘nishga yo‘naltirildi. Bu haqda CBS News xabar berdi.

Aytilishicha, Tramp Billingsga qo‘nishni rejalashtirganmi yoki yo‘qmi, bu haqda hech qanday ma’lumot yo‘q, samolyotni favqulodda qo‘ndirishga texnik nosozlik majbur qilgan. Nosozlik xavfsizlik muammolari bilan bog‘liq emas.

Ma’lumot uchun, AQSHda prezidentlik saylovi joriy yilning 5 noyabrida bo‘lib o‘tadi. Tramp rasmiy ravishda respublikachilar partiyasidan davlat rahbari lavozimiga nomzod qilib ko‘rsatilgan. Saylovda Trampning asosiy raqibi sifatida demokratlar partiyasidan amaldagi vitse-prezident Kamola Harris ishtirok etadi.

Eslatib o‘tamiz, AQSH prezidentligiga nomzodlar Kamola Harris va Donald Tramp joriy yilning 10 sentyabrida teledebatda uchrashishi haqida xabar berilgandi.

Zebo Turobjonova