Tramp ayblarini tan oldi

Olam

image

AQSHning amaldagi Prezidenti Donald Tramp 6 yanvar kuni Vashingtonda bo‘lib o‘tgan voqealarda o‘zining ham "hissasi" bo‘lganini tan olgan. Bu haqda "Fox News" o‘z manbalariga asoslanib xabar bergan. 

Telekanal xabariga ko‘ra, siyosatchi bu haqda Vakillar palatasidagi respublikachilar rahbari Kevin Makkarti bilan suhbat chog‘ida aytgan. 

Manbaning aniqlik kiritishicha, Makkarti Vakillar palatasidagi partiyadoshi bilan telefon orqali muloqotida Prezidentning "iqrori" haqida aytib bergan.

Shuningdek, Makkartining o‘zi ham "notinchlik uchun Tramp aybdor ekaniga iqror bo‘lgan".

Ma’lumot o‘rnida, AQSH Vakillar palatasi spikeri Nensi Pelosi AQSH Kongressi quyi palatasining tegishli qo‘mitasiga Trampning impichmentiga tayyorgarlik ko‘rishni buyurgan. 

Eslatib o‘tamiz, 6 yanvar kuni AQSHning amaldagi Prezidenti Donald Trampning tarafdorlari mamlakat poytaxti Vashingtondagi Kapitoliy oldida namoyish qilib, Kongress binosiga bostirib kirgan edi. 


Maqola muallifi

Teglar

AQSh Tramp

Baholaganlar

382

Reyting

3

Maqolaga baho bering

Doʻstlaringiz bilan ulashing