Tojikistonda elektr energiyasiga norasmiy cheklov o‘rnatildi

Joriy yil 21 sentyabrdan beri Tojikistonda elektr energiyasiga cheklov joriy qilingan – rasman emas, amalda. Bu haqda “Asia-Plus” xabar berdi.

Turli hududlarda yashovchilarning xabar berishicha, ularning uylarida kuniga bir necha soatgina elektr quvvati bor. Mamlakatda elektr uzilishlari nafaqat maishiy, balki ijtimoiy muammoga aylangan. Odamlar sarosimaga tushib, “Barki tojik”dan shaffoflikni talab qilmoqda. Ular hech bo‘lmaganda kechqurun odamlar uy yumushlarini, bolalar esa uy ishlarini bajarishi uchun hokimiyat elektr ta’minoti jadvalini qayta ko‘rib chiqishiga umid qilmoqda.

Nashrning yozishicha, qishloq aholisi kuniga atigi 8-10 soat elektr energiyasi oladi. Xatlon va So‘g‘d viloyati hamda respublika bo‘ysunuvchi tumanlar aholisining xabar berishicha, so‘nggi kunlarda kunduzi ertalab soat 8:00 dan 17:00 gacha, kechki soat 21:00 dan taxminan 5:00 gacha elektr energiyasi uzilgan.

Rasmiylar joriy kuz-qish mavsumida elektr taqchilligi bo‘lishi mumkinligini aytmagan. “Shabakaxoi taksimoti bark” vakilining aytishicha, ayrim hududlarda liniya va podstansiyalarni ta’mirlash uchun elektr ta’minoti vaqtincha uzilgan.

Uning so‘zlariga ko‘ra, uzilishlar asosan tunda sodir bo‘ladi va kamida sentyabr oyining oxirigacha davom etadi.

Shahrinav tumanida kechdan to tonggacha elektr ta’minotida uzilishlar davom etmoqda. Poytaxtda ham elektr ta’minotida uzilishlar kuzatilmoqda. Dushanbe aholisi Shohmansur va Ismoili Somoniy tumanlarida elektr ta’minotida uzilishlar ro‘y berayotganini, bu tumanlarda kuniga bir necha marta elektr ta’minoti uzilganini aytmoqda.

Ta’kidlanhsicha, Vaxdat, Vose, Fayzobod, Jayhun, Rudakiyda ham shunday holat. Mo‘minobodda elektr energiyasi soat 21:00 dan to tonggacha uzilgan, Boxtar va Xatlon viloyati aholisi esa qattiqroq cheklovlarga duch kelgan.

Eslatib o‘tamiz, avvalroq Qirg‘izistonning Energetika vaziri Taalaybek Ibrayev “Kabar” axborot agentligiga bergan intervyusida 2025-2026 yillardagi qish mavsumi juda og‘ir o‘tishini aytgandi.