Toshkentdagi mebel korxonasida yong‘in chiqdi (video)
Jamiyat
−
08 may 5290
Bugun, 8 may kuni Toshkent shahrining Yashnobod tumanidagi mebel korxonasida yong‘in sodir bo‘ldi. Bu haqda shahar Favqulodda vaziyatlar boshqarmasi xabar berdi.
Bildirilishicha, soat 11:25 da tumanning Muxtor Ashrafiy ko‘chasida joylashgan mebel ishlab chiqarish korxonasida yong‘in bo‘layotganligi to‘g‘risida FVBga xabar tushgan. 5 daqiqa ichida aytilgan manzilga yong‘in-qutqaruv ekipaji yetib borgan. Yong‘inni o‘chirish ishlari hozir ham davom etmoqda.
Ma’lum qilinishicha, yong‘in oqibatida fuqarolarda kuyish, tan jarohati olish va halok bo‘lish holatlari yo‘q.
Eslatib o‘tamiz, 4 may kuni Toshkent shahridagi “Modern Sergeli” qurilish ob’ektida yong‘in sodir bo‘lgandi.
Live
Barchasi
