Toshkentdagi avtobusda harakat paytida yong‘in chiqdi
Jamiyat
−
29 aprel 2023 7964 1 daqiqa
Toshkent shahrida avtobus harakati paytida yong‘in chiqqani aks etgan video tarqaldi. Favqulodda vaziyatlar vazirligi holat bartaraf etilganini ma’lum qildi.
Keltirilishicha, bugun, 29 aprel kuni soat 13:54 da Toshkent shahar Yakkasaroy tumani "Rakat" mahallasi Muqimiy ko‘chasida 2-yo‘nalishda harakatlanayotgan “Mercedes-Benz” avtobusida yong‘in sodir bo‘lgani to‘g‘risida tuman Favqulodda vaziyatlar bo‘limiga xabar kelib tushgan.
Shunga ko‘ra 2 ta yong‘in-qutqaruv ekipaji voqea joyiga soat 14:01 da yetib borib, yong‘in soat 14:08 da o‘chirilgan.
“Yong‘in oqibatida avtobusning motor qismi yonib zararlangan. Hodisa oqibatida tan jarohati olgan va halok bo‘lganlar yo‘q”, deyiladi xabarda.
Ma’lum qilinishicha, yong‘in sababi va keltirilgan moddiy zarar miqdori mutaxassislar tomonidan aniqlanmoqda.
Live
Barchasi
