Toshkentda mudhish YTH sodir bo‘ldi. Qurbon bor
3-sahifa
−
11 may 2023 11923
Toshkent shahri Yangihayot tumanida yuz bergan yo‘l-transport hodisasi oqibatida 1 nafar shaxs halok bo‘ldi. Bu haqda poytaxt Ichki ishlar bosh boshqarmasi ma’lum qildi.
Bugun, 11 may kuni soat 07:30 larda Yangihayot tumanida 2000 yilda tug‘ilgan fuqaro A.A. Nexia 2 avtomashinasini boshqarib ketayotib, rul boshqaruvini yo‘qotgan. Mashina beton sim yog‘ochga urilishi oqibatida yo‘l-transport hodisasi sodir bo‘lgan.
Nexia 2 haydovchisi olgan tan jarohatlari oqibatida voqea joyida vafot etgan.
Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.
