Toshkentda uch xotiniga ham aliment to‘lashdan qochib yurgan erkak ushlandi
3-sahifa
−
18 yanvar 7999
Toshkent shahar Yashnobod tumanida uch nafar xotiniga farzandlari ta’minoti uchun aliment to‘lamay yurgan erkak qo‘lga olindi. Bu haqda QALAMPIR.UZ'ga MIB axborot xizmati rahbari Farrux Toshpulatov xabar berdi.
Ma’lum qilinishicha, Majburiy ijro byurosining Yashnobod tuman bo‘limida 3 nafar ayollar foydasiga voyaga yetmagan 3 nafar farzandining moddiy ta’minoti uchun aliment pullarini to‘lashdan bo‘yin tovlab yurgan K.S.ga nisbatan chora ko‘rilgan.
Majburiyatini bajarmasdan, aliment pullarini to‘lashdan bo‘yin tovlagan ota jinoyat ishlari bo‘yicha Yashnobod tuman sudining qaroriga asosan 15 sutkaga qamaldi.
Eslatib o‘tamiz, oldinroq Toshkentda ikki farzandiga aliment to‘lamay yurgani uchun qidiruvda bo‘lgan erkak o‘z uyining tomidan topilgandi.
