Toshkentda masjid yonida yong‘in yuz berdi
3-sahifa
−
27 iyul 2021 5840
Kecha, 26 iyul kuni Toshkent shahar Olmazor tumanidagi masjid yonida podstansiya yonib ketdi. Bu haqda Favqulodda vaziyatlar vazirligi axborot xizmati xabar qildi.
Ma’lum bo‘lishicha, 26 iyul kuni soat 20:53 da Olmazor tumani Forobiy ko‘chasida joylashgan “Chimir ota” masjidi yaqinidagi podstansiyada yong‘in kelib chiqqan.
Ta’kidlanishicha, yong‘in-qutqaruv texnikalari 20:57 da voqea joyiga yetib borgan. Alangani bartaraf etishga 4 ta yong‘in o‘chirish ekipaji jalb etilgan. Podstansiya elektrmanbasidan uzilishi bilan yong‘in qurshab olinib, soat 22:42 da batamom o‘chirilgan.
Hodisa oqibatida halok bo‘lgan va jabrlanganlar yo‘q.
Avvalroq, Olmazor tumanidagi umumiy ovqatlanish shoxobchasida yirik yong‘in chiqqani haqida xabar bergan edik.
Live
Barchasi
