Toshkentda ikki kun davomida ayrim ko‘chalarda harakat cheklanadi

Joriy yilning 27-28 aprel kunlari Toshkentda velosiped sportining shosse yo‘nalishi bo‘yicha Osiyo chempionatining asosiy musobaqalari o‘tkaziladi.

Musobaqa sababli bir qator ko‘chalarda soat 10:00dan 12:00ga qadar transport vositalari uchun harakatlanish  qisman cheklanadi. Bu haqda Toshkent shahar IIBB xabar qilmoqda. 

Unga ko‘ra, quyidagi ko‘chalarda ikki kun davomida vaqtincha harakat cheklanadi.

-    Amir Temur ko‘chasi – International Hotel Tashkent mehmonxonasidan Navoiy ko‘chasigacha;
-    Navoiy ko‘chasi – Amir Temur ko‘chasidan Sharof Rashidov ko‘chasigacha;
-    Sharof Rashidov ko‘chasi – Navoiy ko‘chasidan Afrosiyob ko‘chasigacha;
-    Afrosiyob ko‘chasi – Sharof Rashidov ko‘chasidan Shahrisabz ko‘chasigacha;
-    Oybek ko‘chasi – Shahrisabz ko‘chasidan Nukus ko‘chasigacha;
-    Nukus ko‘chasi – Oybek ko‘chasidan Maxtumquli ko‘chasigacha;
-    Abdulla Qodiriy ko‘chasi  – Maxtumquli ko‘chasidan Amir Temur ko‘chasigacha;
-    Amir Temur ko‘chasi – Abdulla Qodiriy ko‘chasidan Bog‘ishamol ko‘chasigacha.

Bundan tashqari, musobaqa ishtirokchilari Amir Temur, Navoiy, Sharof Rashidov, Afrosiyob, Nukus, Abdulla Qodiriy, Maxtumquli va Ohangaron shossesi ko‘chalari bo‘ylab yana bir bor aylanib o‘tishadi.