Toshkentda bir nechta ko‘chalar kesishmasi 15 kunga yopiladi
Jamiyat
−
12 iyul 2023 8340
Poytaxt Toshkentning Mirobod tumanida joylashgan Taras Shevchenko ko‘chasiga kesishgan ikki ko‘cha 15 kunga yopiladi. Bu haqda Toshkent shahar hokimligi xabar berdi.
Keltirilishicha, mazkur hududda “Mening yo‘lim” loyihasi doirasida ta’mirlash ishlari olib borilishi belgilangan. Xususan, Taras Shevchenko ko‘chasining Caid Baraka va Fidokor ko‘chalari kesishmalari hududidagi eskirgan, diametri 720 mm, uzunligi 448 metr magistral issiqlik quvurini yangisiga almashtirish ishlarini amalga oshirish ko‘zda tutilgan.
Shu sababli ertaga, 13 iyul kunidan boshlab Taras Shevchenko ko‘chasining Caid Baraka va Fidokor ko‘chalari kesishmalari 15 kun muddatga avtomobillar harakati uchun yopiladi.
Ushbu muddatda yuqorida qayd etilgan manzilda qazish va ta’mirlash ishlari olib boriladi. Ta’mirlash ishlari yakuniga yetgach, harakatlanish qayta tiklanadi.
Live
Barchasi
