Toshkentda beshta qiz bir bo‘lib maktabdoshini kaltakladi
Jamiyat
−
26 aprel 2023 12158
Kecha ijtimoiy tarmoqlarda bir necha qiz boshqa bir qizni do‘pposlagani aks etgan videolar tarqaldi. Holat yuzasidan Toshkent shahar maktabgacha va maktab ta’limi boshqarmasi rasmiy munosabat bildirdi.
Ta’kidlanishicha, 2023 yil 25 aprel kuni taxminan soat 15:00 larda Shayxontohur tumani “Samarqand darvoza” MFY, Uchlola ko‘chasi 4-uyning yerto‘la qismida sodir bo‘lgan. Aniqlanishicha, shu tumandagi 82-sonli umumta’lim maktabi 7-sinf o‘quvchisi S.S. dugonalari Ch., S., T. va G. lar bilan birga shu maktabning 8-sinf o‘quvchisi K.M.ni do‘pposlashgan hamda tasvirga olingan videoni o‘zining Instagram’dagi sahifasiga joylab tarqatgan.
Hozirda yuqoridagi holat yuzasidan Shayxontohur tumani IIO FMB xodimlari tomonidan tergov-surishtiruv ishlari olib borilmoqda.
Eslatib o‘tamiz, Toshkent shahri Yangihayot tumanida o‘quvchi qiz qurilish ob’ektida “samosud” qilingan edi.
Nurmuhammad Fayzullayev
Live
Barchasi
