Toshkentda “Akfa”ning yuk mashinasi yonib ketdi
Jamiyat
−
30 may 2019 4541
Bugun, 30 may kuni Toshkentda yuk mashinasi yonib ketdi. Bu haqda O‘zbekiston Respublikasi FVV YOXBB Matbuot xizmati xabar berdi.
Bugun soat 11:52 da Toshkent shahar YOXB kuch va vositalarini boshqarish va muvofiqlashtirish markaziga Yashnobod tumani, Ohangaron shox ko‘chasi 11-uy oldida Gazel rusumli yuk tashish avtomashinasida yong‘in sodir bo‘layotganligi haqida xabar kelib tushgan.
Voqea joyiga 2 ta yong‘in o‘chirish bo‘linmalari jalb etilgan. Ko‘rilgan tezkor harakatlar natijasida yong‘in bartaraf etilgan. Yong‘in oqibatida avtomashinaning motor, salon qismi va yukxonasidagi mahsulotlari qisman yonib zararlangan. Tan jarohati olganlar yo‘q. Yong‘inni kelib chiqish sababi va moddiy zarar miqdori aniqlanmoqda.
