Toshkent viloyatida VAZ-2106 uch nafar piyodani urib yubordi (video)
3-sahifa
−
23 iyun 2023 12512
Ijtimoiy tarmoqlarda Toshkent viloyati Qibray tumanida VAZ-2106 avtomobili uch nafar piyodani urib yuborgani aks etgan video tarqaldi. Ichki ishlar bosh boshqarmasi matbuot xizmati holat yuzasidan rasmiy munosabat bildirdi.
Ma’lum qilinishicha, joriy yilning 19 iyun kuni soat taxminan 18:00 da Toshkent viloyati Qibray tumani hududidan o‘tgan “Toshkent-Qibray-May” avtomobil yo‘lida 1991 yilda tug‘ilgan mast holdagi haydovchi VAZ-2106 avtomobilida harakatlanayotib, rul boshqaruvini yo‘qotgan va yo‘lning chap tarafida harakatlanayotgan uch nafar piyodani urib yuborgan.
Yo‘l-transport hodisasi oqibatida 2009 yilda tug‘ilgan fuqaro tan jarohatlari olib, vafot etgan. Shuningdek, yana ikki nafar jabrlanuvchi tuman markaziy shifoxonasiga yotqizilgan.
Hozirda holat yuzasidan tergov harakatlari olib borilmoqda.
Eslatib o‘tamiz, avvalroq Toshkentda Lacetti velosipeddagi 9 yoshli bolani urib yuborgandi. Namanganda Nexia-2 haydovchisi ikki kishini urib yuborgan. Shuningdek, Surxondaryoda haydovchi ikki nafar mast piyodani urib ketgandi.
Live
Barchasi