Тошкент вилоятида ВАЗ-2106 уч нафар пиёдани уриб юборди (видео)
3-саҳифа
−
23 Июнь 2023 12509
Ижтимоий тармоқларда Тошкент вилояти Қибрай туманида ВАЗ-2106 автомобили уч нафар пиёдани уриб юборгани акс этган видео тарқалди. Ички ишлар бош бошқармаси матбуот хизмати ҳолат юзасидан расмий муносабат билдирди.
Маълум қилинишича, жорий йилнинг 19 июнь куни соат тахминан 18:00 да Тошкент вилояти Қибрай тумани ҳудудидан ўтган “Тошкент-Қибрай-Май” автомобиль йўлида 1991 йилда туғилган маст ҳолдаги ҳайдовчи ВАЗ-2106 автомобилида ҳаракатланаётиб, руль бошқарувини йўқотган ва йўлнинг чап тарафида ҳаракатланаётган уч нафар пиёдани уриб юборган.
Йўл-транспорт ҳодисаси оқибатида 2009 йилда туғилган фуқаро тан жароҳатлари олиб, вафот этган. Шунингдек, яна икки нафар жабрланувчи туман марказий шифохонасига ётқизилган.
Ҳозирда ҳолат юзасидан тергов ҳаракатлари олиб борилмоқда.
Эслатиб ўтамиз, аввалроқ Тошкентда Lacetti велосипеддаги 9 ёшли болани уриб юборганди. Наманганда Nexia-2 ҳайдовчиси икки кишини уриб юборган. Шунингдек, Сурхондарёда ҳайдовчи икки нафар маст пиёдани уриб кетганди.
Live
Барчаси